بعد الكارثة... قرارات الرابطة هزيلة

القرارات الرسمية :


إجراء الترجي الرياضي التونسي ثلاث مقابلات دون حضور الجمهور
تحميل الترجي الرياضي التونسي جبر جميع الأضرار الناتجة عن أعمال الشغب
تسليط عقوبة حرمان مدرب الترجي الرياضي التونسي فوزي البنزرتي من الجلوس
على مقعد الإحتياطيين مقابلتين مع خطية قدرها ألف دينار.
توجيه توبيخ للهيئة المديرة للترجي الرياضي التونسي لتقصيرها في تأطير
جماهيرها الرياضية.
تجميد نشاط حكم المقابلة والحكم الرابع لعدم الإشارة على ورقة التحكيم إلى
كامل الأحداث التي جدت خلال المقابلة وبعدها.
إيقاف نشاط مسير الترجي الرياضي رياض بنور إلى حين استكمال التحقيقات

الطفل معتز العثماني عمره 9 سنوات توفى اليوم الصباح باحد مستشفيات العاصمة وهو لابس مريول لفريق الترجي...

تفوه عالكورة ويوقفوها خير البطولة....بطولة العار.......

(وبشر الصابرين الذين اذا اصابتهم مصيبة قالو انا لله وانا اليه راجعون)

لا إلاه الا الله
حسبنا الله و نعم الوكيل في الي كان سبب
و الي يزيد يهبل يخرجو جماعة متسميين على الترجي و يتفوخرو بالي عملوه
زعمة حاجة كبيرة كيف كسرو حرقو و عباد توقفت و ناس تضربت
و هاو توة عائلة فقدت ولدها عمرو 9 سنين جراير ماتش كرة
هالجماعة الي شايخين و يهبطو في فيديوات في الفايس بوك و تصاور يحسبو الطفل هذا حد من خواتهم و الا من العايلة و الا يحط روحو في بلاصة والديه شنوة يحس بربي؟؟؟
الله لا ترحملو والدين الي كان سبب في هالمشاكل الي صارت البارح

الحادث اللي تسبب فيه هو الهمجية متاع الجمهور
بالتالي الجمهور هو اللي متسبب في موت الطفل
+
توا اللوم بعد القضاء بدعة
الطفل ملايكة الله يرحمو و ينعمو
+
نذكركم زادة ألي من الجانب الآخر ماتوا إلى حد الآن 3 بولسية
الله يرحمهم
+
الوزير كان قبيلة في مستشفى الحرائق متاع بن عروس أين نقل المصابين

ربي تستر و برا

الان وقد انتهى كل شيئ و خرجت الرابطة بقرارات من نوع تمخض الجبل فولد فأرا اتصور انها مرت بجانب قرار تاريخي كان سيحفظ للرياضة التونسية ماء الوجه ومن دون ان يؤثر كثيرا على الابن المدلل لكرة القدم التونسية بجميع مكوناتها من جامعة ورابطة ولجنة تحكيم ولجنة عقوبات و صحافة .... , و القرار اخوتي الاعزاء هو هزم الترجي جزائيا على اثر الاحداث التي قام بها جمهوره و شخصيا اضن ان هذا القرار كان سيجنب الرابطة و والدتها الجامعة الكثير من التاويلات من دون ان يؤثر على الترتيب العام كثيرا فالترجي تعادل و كان يسخسر نقطة فقط لو هزمته الرابطة و يصبح حينها على بعد 4 نقاط عوضا عن 5 .و لكن يبدو ان الرابطة وخاصة العضو القوي فيها الاستاذ الزريبي و الذي هو من فصيلة القاضي الفاضل عمر فاروق الغربي رأت ان تواصل قراراتها التي تثير الدهشة والضحك و تزيد في قناعتنا ان كرة القدم التونسية عليها رحمة الله من عام 90