سطيف ينهزم امام الترجي0-1

عدنا

اه ليا وحشا علي جو صحيفة بعد
بارتيات

..

قبل كل شيء نهنأ روحي و نهنأ معشر
مكشخين بالفوز المستحق و عن جدارة

ماتش مش مسروق كيما قال البعض أو زهرت
للترجي الخ...

..

مباراة في اجمال متوسط لا غير خاصة من
الناحية الهجومية

وهذا شيء طبيعي بحكم نلعب مغير مهاجم و
بجناح مكسور بطبيعا نقصد

جناح الايسر الي فيه
البوعزي.

دفاعيا..كي الفريق المنافس يلعب أتاك
بلاسي اي هجمات منسقة تبدي أمورنا عال العال

و نعمل بلوك باهي وحصين يفدد
المنافس..

أما في هجمات المرتدة أو اثر تمرير
غاطئة أو سهو لبعض لاعبين..نوليو نحشم

لتالي و نطيح الي مستوي ضعيف من ناحية
الدفاعية خاتر لا عنا شكون قوي

في مخ و يقري المنافس وهيا طاير لا عنا
شكون قوي في 1 كنتر 1 لا عنا شكون

قليب ة يعمل فوت علي منافس بش
يكسر ريتم أو الهجمة

دفاع الترجي جماعيا أو أمام منافس يلعب
أتاك بلاسي ممتاز...أبار سا الله يستر

نقعد شادد راسي

هذي الترجي اليوم مغير فرحة مفرطة أو
تشائم مبالغ فيه

..

فوزي البنزرتي
شهر بالغفاص عندي..أرفع لك القبعة في حاجة وحدي وهي البريسنغ

عالي..تي بعد سعات تلقي 4 لاعبين من
الترجي خنق لاعب من منافس في مناطق..

برسمي دخلة هاكي متاع اول ماتش برسنغ
علي بعض خنقنا المنافس من ربع ساعة أولي

في شطر ميدان منافس سينرمال شيدخل بعض
و ميفهم شيء...معلم

أما بورجولية مفماش تحسن في كورات
الثابة هجوميا و دفاعيا.

سؤال محيرني..هل اضطراري شرك التراوري
او عن قناعة لعب ؟

..

لاعبين برسك الكل ماتش مقبول منقولش
بلان أما مقبول في نضري أنا

معدي بن عمر..البوعزي ..و بدرجة أقل
زياد و القربي و خليل

الدراجي..ماتش بلان وقت حاشتنا بيه لقيناه..و الحمد الله هز
الوسط علي ضهر

أفول..عجبني مش خايب و مش اكسترا و مش لاعب الي شيصنع ربيع
الترجي زاد

عجبني في لقطات و خبث الكوروي مخ مخلول
في ستاد لاكن معجبنيش في بعض

تفزعيكات و يبدي يتفافا علي بدنو
بالفارغ..في كلميتين ضهر خير من وليد التايب

في مباراة اليوم نحكي بيانسير..ممرجهاش
الكورة في ساقيه + مخو محلول

نقطة ضعف لياقة بدنية

التراوري..برسمي مغير مبالغة سر نجاح الدراجي اليوم هو
التراوري.

أوفنسيف عاونو برشا..كيف كيف دفاعيا
كان حاضر مليح و كي يحضر يكون حاسم

القربي..القربي عكس التراوري اليوم معجبنيش برشا..دفاعيا
مكانش حاسم برشا في تدخلات

سيب برشا لعب..هجوميا كي ضيع الهدف
سكور يطيح..خاتر مباراة خارج ديار تجي 3 فرص

أو 4 كان متستغلهمش متربحش الماتش..أما
مقبول و برنامج حلو برشا هو و التراوري في مستقبل

في وسط الترجي.

محور الدفاع..كما قلت قبل في أتاك بلاسي للمنافس سافا مشا روح و وقف كيف
ميلزم

أما في غدرة و لي كنتر أو وقت نقبل لعب
يضيع كيف سوق الاحد

الاضهر..مباراة خارج ميدانك منستحقلهمش برشا هجوميا..دفاعيا مرة وفوق و 3
لوطا

نوارة..بقعد نوارة في كاج
ههههه

برهان..اجتهد و أعطي حق التريكو حتي كان يلعب حارس مرمي..هذك
المفيد

يعطيك الصحة و بناك باهي للمستقبل و
علاش لا معوض جدي للدراجي او المساكني

بعد احترافهم.

البوعزي..مباراة هزيلة باتم معني الكلمة..مش معقول في الترجي و في مباراة
رابطة

أبطال تخرج بارقام هاكي..تقريب 0
تمريرات صحيح..و0 تسديد و 0 توغل بالكورة

بقطع النضر علي البونتو يعطيه صحة و مش
مزية عاملها..أما أرقام و مردود مش هذي

الي نستناو فها من لاعب يعتبر توا صاحب
خبرة في الترجي...

...

نتصور منسيت حد..مباراة في اجمال
متوسطة لا تخفي عيوبنا و عيوب منافسنا

الي عند 10 ايام يحضر..و عمرهم 10 ايام
يحضر فريق..حتي في كورة اليد

6 لاعبين متنجمش تحضرهم في 10 ايام كل
شيء يصب في مصلحة الترجي

و الحمد الله مريتينا الفرصة و هاكي
الكورة فرص و زهر و كورة علي قائم و تغفيص

وقليب و متشوات كبار و تتعادل و ماتش
ضعيف و تربح و أحنا ماشين

مش علي ربح شناقف الخدمة و مش علي
هزيمة نهد الي خدمناه

نواصل المشوار و الي يجي مبروك
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الف مبروك للترجي وجماهيرها هذا الفوز

» ريال مدريد ينهزم امام ليون ب0-1
» النادي الإفريقي ينهزم ضد ساحل النيجر (2ـ1
» الترجي إلى نصف النهائي رغم التعادل مع وفاق سطيف
» وفاق سطيف يفك سحر زانوكا الزامبي
» انهزام مصر امام انقلترى...