الأسباب الحقيقيّة للهزيمة الكارثيّة

[ندعوك للتسجيل في المنتدى أو التعريف بنفسك لمعاينة هذه الصورة]



لابدّ من الإقرار بعديد النقائص في فريق النجم الرياضي الساحلي فقد سقط القناع على الجميع و إنكشف المستور من مردود و أخطاء إدارية و رياضيّة أوصلت أعرق الفرق التونسيّة إلى مرتبة غير مشرّفة و وضعية تدعو للشفقة و سنستعرض تباعا الأخطاء :
-بوغطاس مدافع النجم أقرّ العديد من الفنيين منذ عديد المباريات أنّ مردوده كارثي و انّه يقوم بأخطاء لا تغتفر في المحور لكنّ إصرار المدرّب على تشريكه بضغط من” زياد”و من البلبولي مقابل ترك شهاب بن فرج على بنك البدلاء و هو يعتبر من أكثر اللاعبين إتقانا لهذا المركز إلى جانب الدولي المالي الذي لم يتم تشريكه كذلك.
-مدرب فااااااشل و تتحكّم فيه السماسرة و المسؤولين و اللاعبين و خاصّة البلبولي و نحن نعرف كواليس الفريق و نتابع كل ما يحاك “في التراكن”في سوسة… هذه التشكيلة خسرت في مباراة “القهرة” ثلاثة في رادس ضدّ الترجي بأخطاء من هذا المدرّب…
النجم قام بانتدابات مهاجمين و مدافع و في الأخيرالمدرب ينزل بنفس تشكيلة مباراة رادس …
– المنتدبين الجدد على البنك ! بن بلڤاسم يطير بلحمر ! شكون يلعب :لحمر ! مرعي يعرف اجواء المصرية و يعرف الاهلي شكون يكور: اكوستا ! الشرميطي مرعب المصارة موجود في الملعب بركا استفزاز في لخر شكون يكور: البريقي !!!!!!بن فرج عالبنك و بوغفاص يلعب المويهبي مع المرسى و يلعب البريقي شي يقهر…
-مشكلة النجم الساحلي ليست المباراة ، مشكلته الاعلام التونسي اللي صوره انه بطل و غلّط الناس في رواحها و صغّر المباراة في ذهن اللاعبين و الجماهير و المسؤولين..
-البلبولي يخلط على صاحبو بن شريفيّة على المدارج و بوغطاس و و عبدالرزاق و لبريقي ديغاج معاش عندهم ما يزيدو للجمعية..
-لابدّ من الإقرار أنّ البطولة التونسيةبطولة متوسّطة فنيا تحكمها الكواليس ونعرفو “حسين جنيّح شيعمل و خروجو مع المنتخب لغينيا و البوس و التعنيق بينو وبين المسؤولين الفاسدين ..هذي أخرتها…لا ربحنا قدرنا قدام رواحنا و لا إستنفعنا من علاقاتنا الطيبة مع الفسّاد..
-ادخلوا شوفو باجات السعودية و مصر و المغرب و الجزاير ، فضيحة لتونس بأتم معنى الكلمة ، اضعف الفرق المصرية في مواجهة الأهلي ما خسترش بالسكور هذا !!!!!! ما هذااااااااااااااااالمشكلة موش في الهزيمة..المشكلة إلي السكور الفضيحة هذا باش تقعد أجيال و أجيال تتندر بيه وصغارنا يعايروهم بيه..
-قلنا عديد المرّات أنّ رئيس النجم فاشل همّو المناصب السياسية و مقابلة رئيس الدولة و كي قلنا جنيح و الجزيري عمرهم باش يصرفو على الجمعية و همهم مشاريعهم و مطاعمهم ووتلتهم…كي قلنا مدرب “ما يعرفش” من فضيحة مباراة رادس السنة الفارطة ضد الترجي وهو يغفص حتى رسم تكتيكي واضح مافماش..كي قلنا بوغطاص و عبد الرزاق والبريقي و أكوستا و بنغورا والبلبولي ماهمش متاع ليتوال ….ضحكتو علينا و سبيتونا و قلتونا يزيو مل التنبير…هانا التنبير وين وصل..تخسر بهزيمة تاريخية باش يقعد أجيال وأجيال تتندر بيها…زعام كان وينهي الإشتراكات وينو الجمهور..
– اللغة خشبية متاع المسؤولين لن نقبلهة و كل واحد يجامل طامع في بلاصة في الإدارة… الجمهور هو ألي يقول الصحيح و كلامو هو المعقول
المدرب يتحمل جزء مالمسؤولية الملاعبية يتحملو اكثر البلبولي خارج الخدمة معندكش ظهير ايسر بقيمة “على معلول” البلبولي يحكم بحكامو يحكم في التشكيلة…
-اللاعب الأجنبي “جاك مبي” يقنع في التمارين وينو:غائب !!!! غودس باور وينو:يلزم فلان يلعب !!!!-مرعي دخل حرك الهجوم وينو من أول المقابلة !!!!- اكوستا عندو عامين بارك في وتلة سوسةعلى حساب النجم و الجزيري قالك يعجبني و مش نجددلو عامين اخرين ….
عليّةالبريقي لاهي بتربيةالكلاب و المصيد و نطيح العلالش و الوشام و القباحة الزايدة في وقتها وفي غير وقتها !!!!
-لن نقبل أيّ مسؤول يتكلّم ليقول المدرب عمل اغلاط و يهز السكينة بدمها يمشي كبش فداء و مايتبدل شيء زبير بيّةالوحيد إلي معندوش خلفية كلمتو يقولها و لو السيف على رقبتو…
-سيف غزال حطوه ديكور في وسط الإطار الفنّي كيفما كان عمادبن يونس معناها ضمان إجتماعي الجمعية …إلي معندوش شهرية زيدوه في الليستة..معندوش شخصية أما ميسالش ولد جمعية ..
وينو بية و البوعزيزي و الغضبان…الراجل ما تحبّوهش
-مدرب حراس نكرة في الفريق يتحرّك بأوامر البلبولي.. كرير من احسن حراس تونس حارس ثالث !!!!!!! الجبالي خاطر بوه صاحب الجزيري يكون حارس ثاني !!!!
-وينهنم فلوس بونجاح و كوم و العكايشي و و و و !!!!لاعبين اجانب تخلص فيهم بالعملة ااصعبة تحطهم على البنك !!!! مايقدمش الإضافة علاش تجيب فيه !!!!!!
هذه آراء مجموعة من جماهير النجم المقهورة نقلناها بكلّ تجرد حتّى لا يُقال أنّ جماهير النجم غاضبة فقط…جماهير النجم غاضبة لكنّها أيضا تعرف ما يدور في كواليس الفريق
يعيش النجم و انشاء الله القادم أفضل دون تشنج والقرارات لازم تكون رادعة و جريئة ليس فيها ظلم و ليس فيها سكوت عن الحقّ…
طارق

عودة