عوج و كوره(ح3)

بسم الله الرحمان الرحيم،اما بعد



عوج و كوره(ح3)





ننقل لكم حديث رضيعين الاول ولد بعزيزه عثمانه و الثاني بجون كندي....





توما:هلوا،شنوه احوالك ..هاوالشمس زارقة عندي وشئ يلمع لمعان ومي موذر كل ما نبكي تحكي معايا و تحاول تعرفني باش مغروم باش يجيب مني ربي في الحاجه اذيكا..و الطبيب مع مي فاذير ياخوا في ورقه التلاقيح اللازمه ليَ....



حمَى:خوي توما انا هوني مغبره غبابيرها و شعيره لغولطولي في الماذر متاعي..و كانك ملفرمليه هاني نسمع فيها اتصيح علفاذر و الماذر...و وخيك كل ما نبكي يدكولي البيبرون في فمي و يخوفوني بالغوله...







كبر حمى و توما وقعدوا اصحاب :





توما:هلوا حمى،شنوه احوالك هاني انكلم فيك من ستاديوم متاع شلسي مع الغرل فريند متاعي،كملت قرايتي،علموني اناقش و ديما ننقد و نحاول انحين معلوماتي،قعدت بطال عويم اما اخدمت وقتها سارفر و انصور في 3 ملاين دولار في الشهر بخلاف التيبس..سامحني كان تسمع في الحس البوليس يعاون فيَ باش نقعد في البلاصه متاع النومروا متاعي٠٠في بالك اترشحنا للكوب دي موند اما المسؤولين الكل وقع تبديلهم لأنهم ماحققوش الأهداف المرسومة الكل....اسمع حمى هاني جاي عن قريب لبلادك هوني كل يوم سفارتكم تستدعى فينا و فارحه بينا





حمى:اهلا بتوما، انا هاني انكلم فيك من الشتيوي ستاديوم،جندوبا تيم تلعب ليوم كملت قرايتي،علموني الحق متاع ربي نكتب بزربه و قتلي الاستاذ يمل وكانك على معلوماتي يوصلولي الكوريجي قبل التمارين خاطر خوي الصغير قرا عندوا 3 سنين التالي في الفاك بيدها..لحقيقه حتى انا زاد قعدت بطال اما الحمد الله توا اتعلمت نرشم مليح و اتعلمت وقتاش الهبوط،.....و علموني زادا المعنى الصحيح للحريه :ديما انا نختار اش ناخو كابيسون ،ديراكت،...الحق حتى حد ما يدخل فيَ...بالنسبه لحكايه نخدم في مطعم خممت فيها جابولي اولاد لحلال خدمه باهيه في حانوت كفتاجي،،اما لقيت روحي انصور في 3 الاف زاد اما مليم....بربي توما دقيقه ما تتفجعش ديما هوني زادا بوليسيتنا يوريونا بلايصنا: عندك الفيراج بالمتراك و الكلاب و الغرادان بالصياح و الاوسنت بالاشارات و اللوج بوليسيتنا يخليو بلايصهم....نحن زادا راو اترشحنا للكوب دي موند و زادا مسهووولينا بدلوا الاثاث الكل و خاصة الكراسي متاع بيروواتهم..... و اهدافنا ديما مكتوبه في الورق و مرقونه تعمل عليها 66 كيف...و توما خوي نحن هوني زادا ا سفارتكم الحق فارحه بينا زادا عملونا براسولات باش ما نتبقلوش بالشمس و نحن شادين الصف على الفيزا...





بيدبا الحكيم: حمى و توما اختلفوا في ولادتهم اختلفوا في عيشتهم اختلفوا في قرايتهم اختلفوا في تكوينهم اختلفوا في تربيتهم اختلفوا في حرياتهم اختلفوا في تلفزتهم اختلفوا في مسؤوليهم اختلفوا في حقوقهم و واجباتهم اختلفوا في بوليسيتهم اختلفوا في.....اختلفوا في....كيفاش اتحبوهم ما يختلفوش في عقليَتهم و سلوكهم كي يلعبوا و لا يتفرجوا في كورتهم؟

مشكور خويا على الموضوع , قصة معبرة تنم عن رفعة اخلاقك
شكرا لمجهودك.