انتصار صعب امام باجة

السلام عليكم و رحمة الله و بركاته



بعض الملاحظات على مباراتنا اليوم:


غياب الكسيس - الدربالي - العيفة - السعيدي - النفزي - الورتاني - المويهبي دون نسيان اشراك لاعبين جديدين اوتوروغو و تراوري و اشراك بن يحي كظهير ايمن و نقص المشاركات لكل من المعمري و بن رجب و حمام و انتوما تحبو على الاداء.
نرجع لللاعبين و المدرب
- بن رجب: انا نعذرو على الهفوتين على خاطر ليه 6 شهور ما لعبش و قدم مردود محترم و على بن شيخة اشراكه مقابلة بمقابلة هو و النفزي.
- بن يحي : للضرورة احكام لعب كظهير ايمن و الحمدلله ان باجة ما عندهاش مهاجم على جيهتو لكن قدم المطلوب منو بالرغم من الارهاق.
- الورهاني : لاعب ضعيف و ضعيف جدا و بالنسبة للجماعة اللي قالو دفاعيا باهي بربي عاودو تفرجو في الماتش . الذوادي و المليتي غطوا عليه برشا بالرغم من لعب باجة على مستوى وسط دفاعنا.
- الباشطبجي : ظهر عليه الارهاق لكن ابلى البلاء الحسن و المقابلة تعدات على اكتافو. حصل بين زوز مصايب ( حمام و الورهاني ) وكل مرة هو مجبر باش يصلح اخطائهم. و مهد للهدف
- السويسي : كل يوم يزيد يكبر في عيني . هو و الباش تحملو اعباء المباراة. يحسب له لياقته البدنية. الوحيد اللي لعب المقابلات الكل و ما تعبش و مردودو تصاعدي ان شاء الله الهيئة تحسن في عقدو و نتمنى ان تمنح له شارة القيادة.
- حمام : موش بيفو صحيح ما عندوش الصنعة نتصورو يجي ستوبر احسن لانو يفك الكورة و يضيعها. الله غالب اصابة الورتاني و عقوبة الكسيس .
- المليتي : بالنسبة للجماعة اللي عجبهم و يشكرو فيه نقوللهم تفرجتو في ملاعبي اخر و نصيحتي ليكم هي ان رقمو 19 . خاطيه صنع اللعب تحسو يتفلسف و ديما يلوج على الصعيب و ديما تمريرتو موخرة بثانية.
- تراوري : يا بن شيخة كنت تنجم تحط في بلاصتو حضرية. الراجل دوب ما صحح تطلب منو المستحيل??? لازمو يبدى الهجمة و يكملها!!! ان شاء الله ما يتاثرش و انا نشوفو مشروع لاعب ممتاز اما كي يلقى وراه صانع العاب صحيح موش تحط بحذاه المليتي و تقولو العب .
- تشالا : يلعب بقليب و هاز الهجوم وحدو. برافو. اما باهي كي خرجو خلي يرتاح شوية خير ما نخسروه.
- الذوادي : ما عمل شيء اليوم ممكن الارهاق و ضعف الوسط متاعنا. حتى الهدف يحسب للباشطبجي. ان شاء الله قدام المستير يكون في فورمة.
- اوتوروغو : معزول و تاه بين المدافعين و هذا يرجع لضعف الوسط متاعنا. ما وصلاتو و لا كورة هدف لذلك ما نلوموهش و زيد اليوم مقابلة كاملة و دفاع باجة في بلاصتو ( اتكى على دفاعهم و ما خلاهمش يساندو الهجوم ) .
- السلامي : نشكرو على المردود الغزير اللي قدمو للغالية و نقولو ان شاء الله ربي يجيبك في الصواب و ابواب الافريقي مفتوحة لك حيث شئت. لكن نعذرو اليوم الراجل ممكن يصبح يتدرب في السعودية كان على المدرب انزال حضرية.
- المسعدي : الفترة اللي لعبها قصيرة و كنا نلعبو ضد الوقت لكن حسيتو اللي تعلم من اخطاء المقابلة اللي فاتت و في الوقت الضايع يعطي تمريرة كيما هاكي عوضا على التصويب مثل المرة السابقة ضد الفار. تنقصو شوية خدمة و شوية خبرة ان شاء الله يزيد يتحسن.
- المعمري : يبقى لاعب الربع ساعة الاخير. الفترة اللي لعبها قدم فيها الاضافة .
-بن شيخة: فرحتلو كي ربحنا لانو في ظرف يومين استطاع التحضير لمباراة صعبة . لكن ما يعاب عليه اللعب بطريقة 4-2-4 منذ خروج تراوري و هاذي فلسفة زايدة نظرا لعدم امتلاكنا ظهيرين قويين هجوميا . ان شاء الله الثلاث نقاط يطلعولو المورال و يخلوه يحضر لماتش المستير في ظروف طيبة.
المقابلة الجاية ان شاء الله يكون السعيدي و الدربالي و العيفة حاضرين و ان شاء الله ترجع الفورمة ليحي و الذوادي و تشهد تسجيل اولى اهداف اوتوروغو